Менделеевск районында эш сәфәре белән Татарстан Республикасының авыл хуҗалыгы һәм азык-төлек министры Марат Җаббаров булды
Бүген Менделеевск районында эш сәфәре белән Татарстан Республикасы авыл хуҗалыгы һәм азык-төлек министры Марат Җаббаров булды. Ул районның авыл хуҗалыгы җирләрен карады һәм аларның торышын бәяләде.
Аннан соң Марат Азат улы Менделеевск районы җитәкчелеге белән фермерлар, авыл җирлекләре башлыклары һәм авыл хуҗалыгы формированиеләре белгечләре белән очрашты.
Очрашу барышында Марат Җаббаров районда җирне эксплуатацияләү һәм авыл хуҗалыгы юнәлешен үстерү буенча үз тәкъдимнәрен бирде.
Әйтик, быел кулланышка өстәмә 2000 гектардан артык җир кертелде, яңа мини-фермалар саны арта - 2022 елда 4 мини-ферма төзелә, киләсе елда 8 мини-ферма планлаштырыла.
Түбәндәге бурычлар куелды: өстәмә җирләрне әйләнешкә кертү, күпьеллык культураларны тәртипкә китерү, КФХ һәм шәхси ярдәмче хуҗалыкларда терлек санын арттыру, ГРАНТларда актив катнашу һәм алынган акчаларны сыйфатлы үзләштерү, хайваннарны ачыклау һәм ашламалар кертү буенча эшне көчәйтү.
Марат Азат улы билгеләп үткәнчә, Менделеевск районында кулланылмый торган җирләрнең зур резервы бар, аларны нәтиҗәле файдалану нәтиҗәсендә районны яңа дәрәҗәгә чыгарачаклар.