Дәүләт пенсияләрне уртак финанслау программасында катнашучыларның кертемнәрен икеләтә арттырды

Май аенда РПФ  2021 елда үз пенсиясенә ирекле рәвештә акча күчергән иминләштерелгән гражданнарның шәхси счетларына акча җибәрде. Акчалар пенсия тупланмаларын уртак финанслау программасы шартлары буенча дәүләтнең җавап кертеме сыйфатында бүленгән. Аның катнашучылары пенсияне формалаштыруга елына 2 меңнән 12 мең сумга кадәр акча күчерә һәм беренче кертем вакытыннан алып 10 ел дәвамында дәүләттән шундый ук сумманы ала алалар.

2022 ел башыннан ирекле кертемнәрне Менделеевск районының 37 кешесе 256,2 мең сум күчерделәр.

Барлык кертемнәр идарәче компанияләргә яки дәүләтнеке булмаган пенсия фондына тапшырыла һәм катнашучының пенсиягә чыкканчы ел саен инвестицияләнә.

Программа кысаларында төзелгән акчалар кешенең пенсия тупланмаларының гомуми суммасына керә, керем алу максаты белән инвестицияләнә һәм 55 һәм 60 яшькә җиткәндә, хатын-кызларга һәм ир-атларга түләнә (тиешле стаж һәм пенсия коэффициентлары саны булганда). Аларны бер тапкыр түләнә торган түләү рәвешендә (әгәр сумма пенсиянең гомуми күләменнән 5% тан да кимрәк булса), вакытлы түләү һәм тупланма пенсия түләү рәвешендә алырга мөмкин. Аларга шулай ук хокук варисы кагыйдәләре дә кагыла.

Район халкына хәбәр итәбез, тупланма пенсиягә өстәмә иминият кертемнәре физик затлар керемнәренә салым түләми, шуңа күрә программада катнашучылар түләнгән кертемнәр суммасына социаль салым түләүләреннән файдалана ала. Моның өчен салым инспекциясенә мөрәҗәгать итәргә кирәк.

Шунысын да билгеләп үтәргә кирәк, программа кысаларында формалаштырылган пенсия тупланмаларына хокук варисы кагыйдәләре кагыла. Программада катнашучы үлгән очракта, барлык акчалар да  катнашучы үзе билгеләгән, яки закон буенча хокук варисларына.тапшырыла.  Алар формалаштырылган акчаларның бөтен суммасын яки түләнмәгән калдыкны алалар.

Программа буенча тупланма пенсия формалаштыруны шәхси  счеттан Пенсия фонды сайтындагы яки дәүләт хезмәтләре порталындагы күчермә буенча контрольдә тотарга мөмкин.