ТР муниципаль берәмлекләре советы ассоциациясе президиумында каты коммуналь калдыклар белән эш итү өлкәсендә реформа барышы турында фикер алыштылар

2022 елның 9 сентябре, җомга

Каты коммуналь калдыклар белән эш итү өлкәсендә реформа барышы турындагы мәсьәләне бүген «Татарстан Республикасы Муниципаль берәмлекләре Советы» ассоциациясе президиумының көн тәртибенә чыгардылар. Чара Татарстан Республикасы Президенты Администрациясе җитәкчесе Әсгать Сәфәров катнашында узды.

Киңәшмәдә «Гринт» ҖЧҖ генераль директоры Светлана Ярлыченко чүп-чар чыгарган өчен гаризалар бирүнең электрон формасы турында сөйләде. Шулай ук мөрәҗәгатьләр кабул ителә торган элемтә каналлары да күрсәтелде.