Менделеевскида гуманитар ярдәм җыю пункты ачылды
Менделеевск #Ярдәмянәшә #МыВместе бөтенроссия акциясенә кушылды. Бу хакта үзенең Telegram-каналында район башлыгы Радмир Беляев сөйләде.
"Без Лисичанскның тыныч халкы өчен гуманитар йөк партиясе формалаштыра башладык, шулай ук махсус хәрби операциядә катнашучылар өчен шеф ярдәме", - дип сөйләде Радмир Беляев.
Бөтен ярдәмне Менделеевскида, Яр буе урамында, 9 нчы йортта кабул итәләр. Беренче кирәк булган әйберләр арасында - санитария һәм гигиена чаралары (теш щеткалары, теш пасталары, шампунь, сабын, кер юу порошоклары һ.б.), озак саклана торган продуктлар, балалар өчен туклану, җылы әйберләр, уенчыклар.
Исегезгә төшерәбез, Менделеевск районы Донбасска гуманитар ярдәм җибәрде инде. Ә бер атна элек шәһәрнең бюджет оешмалары махсус хәрби операциядә катнашучы россиялеләргә ярдәм итү өчен бер көнлек хезмәт хакын күчерү карарын кабул итте. Шулай ук шәһәрдә мобилизацияләнгән һәм аларның гаилә әгъзаларына ярдәм итү штабы эшли.