Россиянең монополиягә каршы федераль хезмәтенең Татарстан идарәсе Менделеевск районында булды
15 мартта эш визиты белән Менделеевск территориясендә Россиянең монополияга каршы федераль хезмәтенең Татарстан идарәсе җитәкчесе урынбасары Андрей Розенталь булды.
Менделеевск районы башкарма комитеты җитәкчесенең икътисад, алгарышлы социаль икътисадый үсеш территориясе һәм эшкуарлыкка ярдәм итү буенча урынбасары Ленар Әхмәтов озатуында кунак М.С. Фомин исемендәге 1 нче урта мәктәптә булды. Уку йортында 11 сыйныф укучылары өчен монополиягә каршы хезмәт эшчәнлеге һәм икътисад үсешендә конкуренция роле турында ачык дәрес үткәреде.
Андрей Розенталь монополиягә каршы органның эш практикасын тәкъдим итте, гамәлдәге законнарны контрольдә тоту юнәлешләре турында сөйләде һәм каралган эшләр буенча мисаллар китерде.
Ачык дәрестән соң Россия Федераль салым хезмәтенең Татарстан идарәсе җитәкчесе урынбасары «Концерн Карпов» ҖЧҖ җитештерүенә китте. Компания Л.Я. Карпов исемендәге химия заводы базасында «Менделеевск» сәнәгать паркы территориясендә урнашкан.«Менделеевск» алгарышлы социаль икътисадый үсеш территориясенең резиденты булып тора.
"Концерн Карпов" ҖЧҖ Россиядә лазерлы басма техникасы өчен тонерлар җитештерә. Компания үз җитештерүен тулысынча Ватан чималларына күчерергә ниятли. Хәзер монда илдә булган чимал материалларын апробацияләү бара.
Менделеевск районы башлыгы урынбасары Ләйсән Галиева һәм район администрациясе белгечләре белән очрашуда Андрей Розенталь муниципаль берәмлек территориясендә юл картасын гамәлгә ашыру мәсьәләләре һәм законнар хезмәте контролендә булган җирле үзидарә органнарының эше турында фикер алышты. Ләйсән Галиева билгеләп үткәнчә, Менделеевск районында закон бозу куркынычы булмасын өчен эчке аудит инструментлары актив кулланыла.
Андрей Розенталь үз чиратында монополиягә каршы закон таләпләренә туры килгән эчке тәэмин итү системасын кертү монополиягә каршы реакция чараларын куллану куркынычын киметергә мөмкинлек бирә, дип ассызыклады.
Андрей Розенталь Менделеевскида эшләүче массакүләм мәгълүмат чаралары катнашындагы матбугат чарасына йомгак ясады, журналистлар белән мәктәптә дәресләр үткәрү һәм сәнәгать җитештерүенә чыгу турында фикерләре белән уртаклашты.