Менделеевскида химия-технология лицее укучылары өчен шәхси укыту программасы эшләнәчәк
Менделеевскида яңа химия-технология лицееның белем бирү концепциясен «Школа 800» белем бирү үзәге белгечләре эшләячәк.
Районда химия-технология лицеен булдыру инициаторы һәм инвесторы булып Аммоний химия комплексы тора. Предприятие «Школа 800». үзәге белгечләре белән килешү төзегән.
«Школа 800» үзәге белгечләренең яңача белем бирү учреждениеләрен булдыру, уку елы уртасында мәктәпне эшләтеп җибәрү, шәхси белем бирү маршрутларын эшләү буенча бай тәҗрибәсе бар.
"Безнең өчен «Школа 800» белән мондый хезмәттәшлек төбәк дәрәҗәсендә генә түгел, ә ил дәрәҗәсендә дә яңа белем бирү технологияләрен кертү буенча флагман буларак тануны аңлата. Уку елы уртасында безнең мәктәпне ачып җибәрү тәҗрибәсе уникаль. Таләпләргә ярашлы рәвештә, башлангыч һәм төп белем бирүдә яңа ФДББС буенча эшне шунда ук башларга кирәк иде», - дип билгеләп үтте «Школа 800» директоры Марк Сартан.
«Школа 800» белгечләре укытучыларга консультация бирәчәк, укыту семинарлары үткәрәчәк. Укучылар өстәмә белемне гомуми белем белән бергә параллель берничә фәнне тирәнтен өйрәнеп ала.
"Без балалар өчен уңайлы шартлар тудырабыз, мәктәпкә капиталь ремонт тәмамлана, аның базасында лицей барлыкка киләчәк. Бу бөтенләй башка урын, заманча, уңайлы. Ләкин лицей матур рәсем генә түгел, без аны тирән мәгънә белән тутырырга телибез. Шуңа күрә мәгариф системасы заманча, яңача булырга, үз эченә иң яхшы практикаларны алырга тиеш. Әлбәттә, безнең классик белем базасында", - дип билгеләп үтте» Аммоний " АҖ генераль директоры Дмитрий Макаров.
Менделеевск шәһәренең химия-технология лицее Менделеевскиның 3 мәктәбе базасында барлыкка килә. Хәзерге вакытта мәктәптә капиталь ремонт тәмамлана, техник ачылыш 10 апрельгә планлаштырылган.