Инвалид балаларны карау буенча аларның ата-аналарына түләүләр

Инвалид балаларны тәрбияләүче ата-аналарга Россия социаль фонды линиясе буенча  буенча айлык түләү билгеләнә.

Татарстан Республикасында әлеге түләү күләме аена 10 мең сум тәшкил итә.

Исегезгә төшерәбез, айлык түләү инвалид баланы яки беренче төркем инвалидны караучы һәм пенсия яки эшсезлек буенча пособие алмаучы ата-аналар (уллыкка алучылар), опекуннар (попечительләр) арасыннан эшкә сәләтле эшләмәүче гражданнарга билгеләнә.

Бу түләү мөмкинлекләре чикләнгән балага билгеләнгән инвалидлык буенча пенсия белән бергә башкарыла.

Карау буенча айлык түләү, инвалидлык буенча пенсияне билгеләүдән аермалы буларак, гариза бирү характерында. Гаризаны дәүләт хезмәтләре порталы аша электрон формада бирү уңайлырак.

Шул ук вакытта түләүне билгеләү өчен өстәмә документлар (шул исәптән хезмәт эшчәнлеге булмау фактын раслаучы документлар) кирәк булмаячак - барлык кирәкле мәгълүматларны Россия Социаль  фонды органнары белгечләре дәүләт органнарында, түләүне билгеләү өчен кирәкле документлар булган оешмаларда, шулай ук ЕГИССО (бердәм дәүләт социаль тәэмин итү мәгълүмати системасы) һәм федераль инвалидлык реестрыннан инвалидлык турында мәгълүматны үзләре алачак. Шулай итеп, әлеге түләү гражданнарның Россия Социаль  фонды яки күпфункцияле  үзәкнең клиент хезмәтенә шәхси мөрәҗәгатеннән башка  билгеләнергә мөмкин.