Сугыш хәрәкәтләре ветеранының гаилә әгъзаларына бер тапкыр бирелә торган акчалата түләү

«Ветераннар турында «Федераль законның 21 статьясына үзгәреш кертү хакында» 2023 елның 17 февралендәге 27 - ФЗ номерлы Федераль закон нигезендә, һәлак булган (үлгән) сугыш хәрәкәтләре ветеранының кабат никахка кермәгән хатынына (иренә) сугыш хәрәкәтләре ветеранының балалары белән ялгыз яки бергә яшәү фактына бәйсез рәвештә социаль ярдәм чаралары күрсәтелә.

1995 елның 12 гыйнварындагы 5-ФЗ номерлы «Ветераннар турында» гы Федераль закон нормаларына ярашлы рәвештә, һәлак булган (үлгән) сугыш хәрәкәтләре ветеранының кабат никахка кермәгән хатыны (ире) бердәм үрнәктәге таныклык күрсәткәндә ай саен акчалата түләүгә хокуклы.

Россия Федерациясе Пенсия фонды тарафыннан Россия Федерациясендә гражданнарның аерым категорияләренә айлык акчалата түләүне билгеләү буенча дәүләт хезмәте күрсәтүнең административ регламенты, һәлак булган (үлгән) сугыш инвалиды, Бөек Ватан сугышында катнашучы һәм сугыш хәрәкәтләре ветераны гаилә әгъзасының таныклыгы, аның Бердәм үрнәге Россия Федерациясе Хөкүмәтенең 2013 елның 20 июнендәге  519 номерлы карары белән расланган.  

Практикада гражданнарның күрсәтелгән категориясенә айлык түләү балага 18 яшь тулган көнгә кадәр чикләнгән, әмма шул ук вакытта, гражданның әлеге түләүгә хокукы югалтылмаган очраклар очрый. 

Әгәр һәлак булган (үлгән) сугыш хәрәкәтләре ветеранының  таныклыгында гамәлдә булу вакыты күрсәтелгән булса, гамәлдә булу вакыты тәмамлангач, таныклык гамәлдә түгел дип санала һәм кайтарылырга тиеш.

Бу очракта гражданга яңа таныклык бирергә кирәк.

Игътибар итегез, яңа таныклык бирелгән очракта, аның гамәлдә булу вакыты билгесез, айлык  түләүне озайту, таныклык бирелгән көнгә карамастан, туктатылган көннән башкарыла.