Торак-коммуналь хезмәтләр өчен түләүне каплау
Түбәндәге очракларда гаилә составы турында мәгълүматлар нинди документлар белән раслана:
граждан шәхси йортта теркәлгән. Йорт кенәгәсе 2018 елдан бирле башкарма хакимиятнең вәкаләтле органнары тарафыннан тутырылмый, «Минем документларым» дәүләт һәм муниципаль хезмәтләр күрсәтүнең күпфункцияле үзәкләрендә һәм эчке эшләр министрлыгы органнарында теркәлгән гражданнар саны турында мәгълүматлар юк һәм гаилә составы турында белешмәләр бирергә вәкаләтләре юк, эчке эшләр министрлыгы Идарәсенең миграция мәсьәләләре бүлеге адрес буенча исәп-хисап алып бармый (теркәлү турында исәп-хисап конкрет гражданга карата башкарыла) һәм йортта теркәлгән кешеләрнең саны турында мәгълүмат юк;
граждан фатирда теркәлгән. Хәзерге вакытта законнар идарәче компанияләргә теркәлгән гражданнар саны турында мәгълүматны сакларга һәм мондый мәгълүматны сораулар буенча тапшырырга, белешмәләр бирергә йөкләмә бирми, Эчке эшләр Министрлыгының миграция мәсьәләләре бүлеге адрес буенча исәп-хисап алып бармый (теркәлү турында исәп-хисап конкрет гражданга карата башкарыла) һәм йортта теркәлгән затлар саны турында мәгълүматка ия түгел.
Торак бинада (торак йортта) теркәлгән затлар санын билгеләү өлешендә территориаль орган граждан тәкъдим иткән (ведомствоара хезмәттәшлек кысаларында алынган) документлардан (мәгълүматлардан), шул исәптән торак бинада (торак йортта) теркәлгән затлар саны турында коммуналь хезмәтләр өчен түләү документларында (мәгълүматларында) күрсәтелгән мәгълүматлардан чыгып эш итә.