Әлфия Когогина: Салым кодексына төзәтмәләр балалар товарлары җитештерүчеләргә салым йөкләмәсен киметергә тиеш
Дәүләт Думасы беренче укылышта РФ Салым кодексына балалар өчен товарларга өстәмә бәягә салым ставкасын киметүне билгеләү өлешендә төзәтмәләр кабул итте.
РФ Дәүләт Думасы депутаты, кече һәм урта эшкуарлык комитеты рәисенең беренче урынбасары Әлфия Когогина болай дип аңлатма бирде: «Без закон кабул итү социаль әһәмиятле товарларның илебез җитештерүчеләренә салым йөкләмәсен киметер дип көтәбез. Хәлне күзәтеп барачакбыз. Закон проекты белән ташламалы ставка буенча салым салына торган балалар товарлары исемлеге 10 процентка киңәйтелә. Янга калган акчаларны бизнес продукция җитештерүне арттыруга, яңа эш урыннары булдыруга, хезмәт хакын арттыруга юнәлтә алачак. Бу илебез җитештерүчеләренә ярдәм итү, балалар өчен товарлар базарында импортны алмаштыруга ярдәм итү өчен тагын бер чара.
Закон проекты балалар өчен салым ставкасы 10% буенча салым салына торган товарлар исемлеген киңәйтергә тәкъдим итә, аны түбәндәге товарлар белән тулыландыра:
- балалар җиһазлары: урындыклар, туклану өчен урындык, манеж;
- велосипед;
- механик транспорт чараларында кулланырга билгеләнгән балаларны эләктереп кую җайланмасы;
- балаларны карау өчен билгеләнгән әйберләр: шешәләр (шул исәптән имезлекләр), чүлмәкләр, ванналар, яңа туган балаларны юыну өчен җайланмалары;
- биләүләр.
Закон рәсми рәвештә басылып чыкканнан соң бер ай узгач, әмма товарларга өстәмә бәяләр буенча чираттагы салым чорының 1 нче көненнән дә иртәрәк үз көченә кермәячәк.