Менделеевскида 2023 елның 25 декабреннән 2024 елның 8 гыйнварына кадәр махсус янгынга каршы режим гамәлдә.
Администрациядә Башкарма комитет җитәкчесе Роберт Искәндәров рәислегендә Гадәттән тыш хәлләрне кисәтү һәм бетерү һәм янгын куркынычсызлыгын тәэмин итү буенча комиссия утырышы узды. Яңа ел бәйрәмнәрен әзерләгәндә һәм бәйрәм иткәндә янгын куркынычсызлыгын тәэмин итү чаралары турында Менделеевск муниципаль районы күзәтчелек эшчәнлеге һәм профилактика эше бүлеге башлыгы Максим Скоробогатов хәбәр итте. Үзенең чыгышында ул махсус янгынга каршы режим гамәлдә булган чорда янгын куркынычсызлыгы таләпләрен бозган өчен административ җаваплылык каралганлыгын билгеләп үтте. Хокук бозучылар штраф түләячәк:
10 меңнән 20 меңгә кадәр физик зат,
30 меңнән 60 меңгә кадәр вазифаи затлар,
60 меңнән 80 меңгә кадәр шәхси эшмәкәр.
400 меңнән 800 мең сумга кадәр юридик зат.
2023 елның 25 декабреннән 2024 елның 8 гыйнварына кадәр сәнәгать объектларыннан, ягулык-энергетика комплексларыннан 500 метр ераклыкта 1-3 куркыныч класслы пиротехника куллану тыела (бенгал утлары һәм хлопушкалардан тыш). Шулай ук торак йортлар, кешеләр күпләп булган объектлар, автомобиль юллары һәм күп фатирлы йортлар чикләреннән 30 метр ераклыкта салютлар куллану тыела.
Шулай ук исегезгә төшерәбез ❗ ️
Пиротехник әйберләрне куллану һәм сату 16 яшькә кадәрге кешеләргә тыела.