"Таткоммунэнерго" республика җитештерү берләшмәсе" акционерлык җәмгыяте хезмәткәрләре белән очрашу.
Башкарма комитет җитәкчесе Роберт Искәндәров "Таткоммунэнерго" республика җитештерү берләшмәсе " АҖ хезмәткәрләре белән очрашу үткәрде, компаниянең яңа директоры - Зарипов Ленар Марс улын тәкъдим итте.
29 декабрьдән җылылык энергиясе, кайнар һәм хуҗалык-эчәр су белән тәэмин итү, котельныйга хезмәт күрсәтү, шулай ук коммуналь челтәрләрне эксплуатацияләү белән "Таткоммунэнерго" республика җитештерү берләшмәсе " АҖ шөгыльләнәчәк, элегрәк моны "Газпром теплоэнерго Казан" компаниясе эшләгән. Зарипов Ленар Марс улы компаниянең төп объектлары белән танышырга, шулай ук яңа хезмәттәшләре белән танышырга өлгергән. Алга таба эш һәм компанияне үстерү планнары турында фикер алыштылар. Яңа директор команда эшенең һәм хезмәткәрләр арасындагы ышанычлы мөнәсәбәтләрнең мөһимлеген, шулай ук яңа идеяләрне хуплауны ассызыклады. Ленар Марс улы компаниянең уңышлы үсешенә һәм куелган максатларга ирешүгә ышаныч белдерде. Бөтен коллектив яңа җитәкчелек белән актив хезмәттәшлек итәргә әзерлеген белдерде.
Очрашу ахырында Роберт Ринат улы "Таткоммунэнерго" республика җитештерү берләшмәсе " АҖ хезмәткәрләрен Яңа ел белән котлады һәм ел йомгаклары буенча иң яхшыларга Рәхмәт хатлары тапшырды.