Татарстанда күчемсез милек сатып алу буенча лидер төбәкләр аталды

2023 ел нәтиҗәләре буенча башка төбәкләрдә яшәүчеләрдән Татарстан Росреестрына күчемсез милекне кадастр исәбенә куюга һәм хокукларны  теркәүгә 5,7 меңгә якын гариза килгән. Бу 2022 елга караганда 17% ка диярлек күбрәк. агымдагы елда-581 мөрәҗәгать.

Алдагы еллардагы кебек үк, экстерриториаль принцип буенча иң күп гаризалар Башкортстаннан бирелгән (1 меңгә якын). Аннан соң Мәскәү (629), Мәскәү өлкәсе (518), Удмуртия (501) бара һәм Мари Эл лидерлар бишлеген (370) тәмамлый.

Татарстанда күчемсез милек сатып алучы башка төбәкләрдә яшәүчеләрнең иң популяр шәһәре Казан булган һәм булып кала (1734 мөрәҗәгать). Шулай ук 2023 елда еш кына Яшел Үзән районында (518) һәм Яр Чаллыда (399) урнашкан күчемсез милек белән кызыксындылар.  

 "Ай саен безнең ведомствога башка төбәкләрдә яшәүчеләрдән 500 гә якын гариза килә. Шул ук вакытта экстерриториаль принцип буенча исәп-хисап-теркәү гамәлләре документларны тапшыруның гадәти ысулы белән бер үк вакытта үткәрелә. Мәсәлән, көнкүреш күчемсез милек объектлары биш эш көненә кадәр теркәлә. Әгәр документлар онлайн – Росреестр порталы аша тапшырылса - сроклар өч эш көненә кадәр кыскартыла, ә кредит чараларын кулланганда теркәлү вакыты нибары 24 сәгать тәшкил итәчәк», - дип билгеләп үтте Татарстан Росреестры җитәкчесе урынбасары Лилия Борһанова.

"Казанда күчемсез милек инде күп еллар дәвамында Россиянең башка төбәкләрендә яшәүчеләр арасында яшәү өчен дә, инвестицияләү өчен дә популяр, ә килешүләрне экстерриториаль теркәү рәсмиләштерү процессын шактый гадиләштерә, чөнки сатып алу объекты булган төбәккә барырга кирәкми, бу бик уңайлы, тиз һәм бөтенләй куркынычсыз», - дип үз фикерен уртаклашты ТР риелторлар гильдиясе вице - президенты Руслан Садреев.

Белешмә:

Росреестр хезмәтләрен күрсәтүнең экстерриториаль принцибы-күчемсез милек объекты урнашкан урынга карамастан, хокукларны дәүләт теркәвенә алу һәм дәүләт кадастр исәбенә кую өчен мөрәҗәгать итү мөмкинлеге. Документларны экстерриториаль рәвештә теләсә кайсы КФҮ офисында яки Росреестр порталы аша тапшырырга мөмкин