Россия Федерациясе законнары нигезендә җитештерү экологик контролен раслау һәм эшләү үзенчәлекләре.
Казан районара табигатьне саклау прокуратурасы Россия Федерациясе законнары нигезендә җитештерү экологик контролен раслау һәм эшләү үзенчәлекләрен аңлата.
«Әйләнә-тирә мохитне саклау турында» 2002 елның 10 гыйнварындагы 7 - ФЗ номерлы Федераль законның 67 статьясындагы 2 пунктына ярашлы рәвештә, I, II һәм III категорияле объектларда хуҗалык һәм (яки) башка эшчәнлек алып баручы юридик затлар һәм шәхси эшмәкәрләр җитештерү экологик контроле программасын эшлиләр һәм раслыйлар, билгеләнгән таләпләргә ярашлы рәвештә җитештерү экологик контролен гамәлгә ашыралар, мәгълүматны документлаштыралар һәм җитештерү экологик контроле нәтиҗәләре буенча алынган мәгълүматны саклыйлар.
Әйләнә-тирә мохиткә тискәре йогынты объектларын I, II, III һәм IV категорияле объектларга кертү критерийлары Россия Федерациясе Хөкүмәтенең 2020 елның 31 декабрендәге 2398 номерлы карары белән расланган
IV категорияле объектлар өчен билгеләнгән югарыда күрсәтелгән критерийларны исәпкә алып, мондый объектларда әйләнә-тирә мохиткә минималь тискәре йогынты ясый торган продукция җитештерү буенча эшчәнлек алып барылырга мөмкин, шуңа бәйле рәвештә мондый объектларга карата җитештерү экологик контроле башкарылмый.
Шулай итеп, IV категория объектларына карата Россия Федерациясе законнары җитештерү экологик контроле программасын эшләү һәм раслау турында таләпләр кертми