Әлфия Когогина: Салым кодексына төзәтмәләр күбрәк гаделлеккә ирешергә ярдәм итәргә тиеш
Дәүләт Думасы депутаты, Кече һәм урта эшмәкәрлек комитеты рәисенең беренче урынбасары Әлфия Когогина: «Салым кодексына төзәтмәләр күбрәк гаделлеккә ярдәм итәргә тиеш. Югары керемле гражданнардан зур салым түләтеләчәк. Салым ставкасының прогрессив шкаласын кертүгә бәйле өстәмә керемнәр федераль бюджетка күчереләчәк һәм мохтаҗларга — балалы гаиләләргә, пенсионерларга, ветераннарга ярдәм итүгә юнәлдереләчәк».
НДФЛ ставкасы гражданнарның күпчелеге өчен үзгәрмәячәк. Керемнәргә карата елына 2,4 млн сумга кадәр ставка 13% сакланачак. Елына 2,4 млн сумнан 5 млн сумга кадәр керемгә 15% ставкасы буенча салым салыначак, 5 млн сумнан 20 млн сумга кадәр — 18 %, 20 млн сумнан 50 млн сумга кадәр — 20 %, 50 млн сумнан артык — 22 %.
Үзгәрешләр махсус хәрби операциядә катнашучыларның керемнәренә һәм ерак төньяк районнарында, аларга тиңләштерелгән җирлекләрдә, шулай ук уңайсыз яисә аерым климат һәм экологик шартлары булган башка төбәкләрдә эшләүче гражданнарга өстәмә түләүләргә кагылмаячак.
Табышка салым 5 % ка артачак, НДС ставкасы үзгәрешсез калачак. Салым үзгәрешләре үзмәшгульләргә кагылмаячак.
ФЗ, үз көчләренә керүнең башка сроклары каралган нигезләмәләрдән тыш, рәсми басылып чыккан көненнән үз көченә керә.