2024 ел башыннан Татарстанның 30 000нән артык медицина хезмәткәре махсус социаль түләү алды
Махсус социаль түләү сәламәтлек саклауның беренчел звеносы, район үзәк, район һәм участок хастаханәләре медикларына, шулай ук станцияләр һәм ашыгыч ярдәм бүлекчәләре хезмәткәрләренә каралган. Медицина хезмәткәрләренең категориясенә һәм медицина оешмасының төренә карап, түләү күләме 4,5 меңнән 50 мең сумга кадәр тәшкил итә.
Түләү Федераль мәҗбүри медицина иминияте фондының Россия Социаль фондының төбәк бүлегенә бюджетара трансфертлар сыйфатында тапшырыла торган акчаларыннан финанслана.
"Махсус социаль түләү өчен акчалар медицина оешмалары мәгълүматлары нигезендә бирелә. Һәр ай нәтиҗәләре буенча алар ярдәм алырга хокуклы хезмәткәрләрнең электрон реестрын формалаштыралар һәм бу мәгълүматны безгә Россия Социаль фондының төбәк бүлегенә тапшыралар. Шуннан соң 7 эш көне эчендә без түләүне күчерәчәкбез", - дип билгеләп үтте Россия Социаль фондының Татарстан Республикасы буенча бүлеге идарәчесе Эдуард Вафин.
Шунысын да билгеләп үтәргә кирәк, акчалар счетларга күчерелә, аларның реквизитларын Россия Социаль фондының республика бүлегенә шулай ук медицина оешмасы тапшыра. Медицина хезмәткәрләренең үзләренә Россия Социаль фондының ТР буенча бүлегенә мөрәҗәгать итәргә, гариза бирергә яки белешмәләр бирергә кирәкми.
Бу тема буенча сорауларыгыз калса, сез һәрвакыт ТР буенча социаль фонд бүлекчәсенең Бердәм Контакт-үзәге телефоны аша консультация ала аласыз: 8-800-1-00000-1.