"Авыл көне"
Мәйдан уртасында төрле ярышлар оештырылды: чүлмәк вату, гер күтәрү, аркан һәм таяк тарту, кашыкка йомырка салып йөгерү, капчыкта йөгерү һәм башкалар. Өлкәннәр һәм балалар конкурсларда бик теләп катнаштылар.
Җыелганнарга сәламләү сүзе белән район Советы Аппараты җитәкчесе Ришат Нәфыйков мөрәҗәгать итте.
Авыл халкын «Шифалы-Су-Ижминводы» директоры Сәлим Хәбибуллин котлады. Ул Фәтхетдиновлар һәм Судаковлар гаиләләренә бүләкләр һәм котлау открыткасы тапшырды. Бүләкләү «Гаилә елы»на багышланган иде.
Җирлек башлыгы Роза Мәсәгутова авыл активистларына Рәхмәт хатлары тапшырды.
Мәйданда шулай ук маркировка челтәрләрен үрү зонасы оештырылды, анда үрү буенча мастер-класс күрсәтелде
Бәйрәм күңелле һәм кунакчыл булды. Һәркем үзенең күңеленә хуш килгән шөгыль тапты һәм бик зур күтәренке рух һәм позитив алды💙