Район Башлыгы объектларны төзекләндерү һәм төзү барышын тикшерде
Район Башлыгы Роберт Искәндәров капиталь ремонт һәм төзелеш эшләре бара торган төп объектларны шәхсән үзе тикшерде. Сыйфатка гына түгел, срокларга да аерым игътибар бирелде, барлык этаплар да график буенча бара һәм даими контрольдә тора.
"Камаш" паркы
Биредә төзекләндерүнең икенче этабы бара. Клубның заманча бинасы төзелгән, хәзер белгечләр эчке һәм бизәү эшләрен төгәллиләр. Параллель рәвештә тротуарлар һәм юллар төзекләндерелә, кече архитектура формалары урнаштырыла. Актив ял яратучылар өчен тиздән заманча волейбол мәйданчыгы барлыкка киләчәк. План буенча барлык эшләр дә августка тәмамланачак.
"Батыр" спорт мәктәбе
Спорт мәктәбендә капиталь ремонтның икенче этабы дәвам итә. Хәзер эшләр көрәш залында алып барыла, җилләтү системасын тулысынча үзгәртәләр һәм санузелларны ремонтлыйлар. Бу тренировкалар һәм яшь спортчылар үсеше өчен заманча шартлар тудыруга мөһим адым.
Капиталь ремонт
Совет урамындагы 18 нче йортның түбәсен алыштыру тәмамланып килә. Алдагы этап-фасадны һәм керү юлын яңарту. Шунысын да билгеләп үтәргә кирәк: быел шәһәрдәге ике катлы йортларда беренче тапкыр вентиляция системалары монтажлана.
Тукай урамындагы яңа йорт
Яңа йорт төзелеше дәвам итә. Инде өч каты төзелгән, хәзер эчтә электромонтаж эшләре бара. Объектны ел ахырына тапшыру планлаштырыла.
Барлык объектлар да махсус контрольдә тора, эшләр катгый рәвештә график буенча алып барыла.