Менделеев шәһәрендә яшәүче күпбалалы ике гаиләгә янгын сүндергеч бирелде.

Россиянең МЧС оешмасының 25 еллыгы һәм Татарстан МЧС ның 20 еллыгы уңаеннан алар янгын сүндергечләр өләшү буенча   акция үткәрәләр. Районга ике янгын сүндергеч һәм янгын куркынычсызлыгын кисәтүче җайланма бүлеп бирелде.

-Районның социаль яклау бүлеге җитәкчесе Әлфия Салаватуллина киңәше буенча өйләрендә газ ягулыгы кулланылмаган гаиләләргә янгын сүндергечләр бирелде,-дип искәртеп үтте ОНД җитәкчесе Максим Скоробогатов. Монаш авылында яшәүче Мироновлар гаиләсендә һәм Тат.Чаллы авылында көн күрүче  Клюкиннар гаиләсендә өч бала тәрбияләнә. Элек аларның өйләрендә янгын очраклары күзәтелде. Бу ата-аналар белән янгын куркынычсызлыгы буенча әңгәмә үткәрелде. ОНД хезмәткәрләре ата-аналар бу мәсьәләгә җаваплы карарлар, дип ышанып калалар.