Сәйтәк авылы клубында «Кияү мунчасы»

2021 елның 28 октябре, пәнҗешәмбе

25 нче октябрь көнне Сәйтәк авылы клубында Татар Тәкәше үзешчәннәре белән берлектә Яңа клуб сезоны ачу уңаеннан «Кияү мунчасы» дип исемләнгән күңелле тамаша булып узды.  Үзебезнең югалып бара торган гореф-гадәтләребезне яңартып «Кияү мунчасы» , «Кияү коймагы», «Кияү бүләге» , «Килен токмачы» дигән йолаларыбызны тамашачылар тарафына тәкьдим иттек.  Тамаша шаяру-көлүләр, җырлар-биюләр белән үрелеп барды.  Һәрбер чыгышны тамашачы җылы каршы алды.   Шулай ук Бәзәкә урта мәктәбе укучылары чыгышы да бәйрәмебезнең бизәге булды.   Менә шундый кичәләр булганда безнең халкыбызның үткәне хәзергесе һәм киләчәге бар.