Киңәйтелгән киңәшмә
Сәламәтлек мөмкинлекләре чикле балалар өчен мәктәп базасында киңәйтелгән киңәшмә узды.
Анда мәгариф идарәсе башлыгынең тәрбия эше буенча урынбасары Наталья Зырянова, директор урынбасарлары, мәгариф оешмаларында укучыларны тәрбияләү мәсьәләләре буенча балалар иҗтимагый берләшмәләре белән тәрбия һәм үзара хезмәттәшлек буенча директор киңәшчеләре катнашты. Шулай ук социаль партнерлар чакырылган иде: «Юность» район мәдәният йорты директоры Миләүшә Канипова, туган якны өйрәнү музее директоры Алина Әхмәтова, «Беренчеләр хәрәкәте» җирле бүлеге җитәкчесе Гөлнара Гайфетдинова, юл хәрәкәте куркынычсызлыгы буенча профилактика бүлеге башлыгы Мәликә Халикулова, район психология хезмәте җитәкчесе Ольга Иванова. Киңәшмәдә төрле темалар каралды. «Пушкин картасы» программасын гамәлгә ашыру кысаларында нәтиҗәле хезмәттәшлек итү, төрле проектларга иң күп балаларны җәлеп итү вариантлары каралды. Мәликә Халикулова балаларның юлларда һәм автомобильдә иминлеге турында искә төшерде! Менделеевск районында тәрбия буенча киңәшчеләрнең муниципаль координаторы Оксана Шалаумова гомуми белем бирү оешмасында киңәшченең роле турында сөйләде һәм эшчәнлек мониторингы белән таныштырды. 2023 елның 1 сентябреннән «балалар иҗтимагый берләшмәләре белән тәрбия һәм үзара хезмәттәшлек буенча директор киңәшчесе» вазифасы шәһәр һәм районның 8 мәгариф оешмасында кертелә, өстәмә рәвештә 2024 елның 1 гыйнварыннан тагын 7се кертелә.