“Кышкы моң” автор-башкаручылар иҗат кичәсе

“Кышкы моң”  автор-башкаручылар  иҗат кичәсен  Дмитрий Лахтин, Данияр Кәбиров, Рөстәм Зариповлар ачып җибәрде. Казан кунагы Невена Летаева, үзенең аккомпаниаторлар төркеме флейтачы Камилла Хаҗиева һәм соло-гитара Зөфәр Хәлирахмановлар белән кичәне дәвам иттеләр.

       Төрле башкару манералары, җырларның тирән эчтәлеге; гитара кылларының,  балалайка, блокфлейталарның тылсымлы авазлары   кичәгә кабатланмас җан җылысы, яктылык һәм тантана өстәде.

       Бу кичәгә килгән тамашачылар, автор-башкаручыларның чыгышларын, җырларының сүзләрен һәм көйләрен тыңлап, тирән ләззәт алдылар.