ЯҢАЛЫКЛАР

8 нче гыйнварда Тойгуҗа авылы китапханәсендә татар шагыйре Фатих Кәримнең 110 еллыгы уңаеннан "Илең турында уйласаң, гомерең озын була" дип аталган әдәби кичә үткәрелде.

Чаллыда узган авыл хуҗалыгы ярминкәсендә "Үзәкләштерелгән клублар системасы"ның иҗат коллективлары чыгыш ясады.

Татар Чаллысы мәдәният йортында балалар өчен "Яңа елны каршылыйбыз!" бәйрәме уздырылды.

27 декабр көнне “Үзәкләштерелгән клублар системасы” автоклубы иҗат төркеме “Балкып яна Яңа ел утлары” күңел ачу программасы белән Абалач авылында чыгыш ясады. 

Балалар китапханәсе 7нче “Алтын балык”  бакчасына йөрүчеләрдән яңа ел бүләкләре кабул итте. Искиткеч матур бүләкләр сабыйлар һәм аларның әти-әниләре кулы белән, бөтен күңелләрен салып, изге теләкләр теләп әзерләнгән. Бу эшләнмәләргә Балалар китапханәсендәге “Кышкы аһәңнәр”(«Зимние мотивы») күргәзмәсендә карап сокланырга мөмкин.

27, 28 декабрьдә Балалар китапханәсенә 7нче, 11нче балалар бакчаларыннан сабыйлар кунакка килделәр. Китапханәчеләр алар өчен “Убырлы карчык хикмәтләре” дигән әдәби-уен программасы тәкъдим иттеләр.

28 нче декабрьдә Тихоново авылы китапханәсендә “ Иске әйберләр тарихы” исемле музей дәресе уздырылды. Балалар рус өенең тарихы һәм бабаларыбызның тормышы  белән таныштылар.

27 декабрьдә Үзәк китапханә хезмәткәрләре “Саулык” социаль ярдәм күрсәтү үзәгендә ял итүчеләргә  Яңа елга багышланган “2019 ел – кабан елы” дигән уен программасы тәкъдим иттеләр.

Кинофильмнар расписаниясе Юность кинотеатрында 27 декабрьдән 2 гыйнвар  коннәрендә

25 нче декабрь  көнне Сәйтәк авылы клубында  балалар  бакчасы белән берлектә Яңа ел иртәсе узды.