ЯҢАЛЫКЛАР

23 февральдә Россиядә Ватанны саклаучылар көне билгеләп үтелә. Бу көнне без туган җиребезне илбасарлардан батырларча саклаучыларга, шулай ук тыныч вакытта авыр һәм җаваплы хезмәт итүчеләргә хөрмәтебезне һәм рәхмәтебезне белдерәбез. Абалач авыл китапханәсе Абалач урта мәктәбе белән берлектә " Менә без нинди солдатлар" дип исемләнгән интеллектуаль-күңел ачу уены үткәрде.

Балалар китапханәсендә 7 мәктәпнең 1 сыйныф укучылары өчен ( сыйныф җитәкчесе Муллахмәтова Л. Т.) Ватанны саклаучылар көненә багышланган «Россия геройларының данлы варислары» дип исемләнгән уен программасы булып узды.

Ватанны саклаучылар көне алдыннан китапханәдә «Армия альбомы» дип исемләнгән күргәзмә-күзәтү оештырылды.

Инде берничә дистә ел 23 февральдә без Ватанны саклаучылар көнен зурлап һәм бөтенхалык тарафыннан билгеләп үтәбез. 23 февраль-Россиянең Хәрби дан көне. Бу көндә үз Ватаныңны ярату, хөрмәт итү һәм яклау, кирәк булган очракта, аны лаеклы саклый белү  төшенчәләренә тирән мәгънә салынган. Бу бәйрәм көненә Илнәт авыл китапханәсендә «Сугыш турында хакыйкать»дип исемләнгән әдәби күзәтү үткәрелде.

Иске Гришкин авыл китапханәсендә Халыкара туган тел көне уңаеннан башлангыч сыйныф укучылары (укытучысы Иштанова А.М.) белән берлектә «Туган телнең бәллүр чишмәсе»дип исемләнгән әдәби сәгать үткәрелде.

Турай авыл китапханәсе «Туган телем - татар теле» дип исемләнгән шигърият сәгате үткәрде.

Туган тел көнен бәйрәм итү кысаларында балалар китапханәсе, туган якны өйрәнү музее һәм Халыклар дуслыгы йорты 1 нче урта мәктәпнең 5 «Б» (Власенкова Е.М.) һәм 6 «А» (Воронцова Н.Н.) сыйныфлары укучылары өчен Борынгы риваятьләр: туган як халыкларының әкиятләре" дигән темага этно-воркшоп үткәрде.

Свердловск өлкәсенең Талицк район китапханәсе «Көчле рухлы: разведчиклар һәм партизаннар турында китап укыйбыз» дигән акция игълан итте, ул Бөек Ватан сугышы елларында совет разведчикларының, партизаннарның һәм подпольщикларның батырлыгына багышлана. Балалар китапханәсе әлеге акциягә кушылды һәм 3 нче мәктәпнең (Гафиатуллина Г.Ф) һәм 1 нче гимназиянең (Шилова В. В.) икенче сыйныф укучылары өчен "Аларның исемнәрен хәтереңдә тот" дип исемләнгән тарихка экскурсия үткәрде.

22 февраль көнне Турай авыл китапханәсенә Турай урта мәктәбенең 4 нче сыйныф укучылары килде. Балалар өчен «Армия калейдоскобы» исемле танып-белү-уен программасы үткәрелде.

Илнәт авыл китапханәсе галим-биолог, балалар язучысы Нина Михайловна Павлованың тууына 125 ел тулу уңаеннан «Нина Павлованың китапларын укыйбыз» дип исемләнгән VI төбәкара акциягә кушылды.