ЯҢАЛЫКЛАР
1 нче сентябрь - Белем көне. Мәктәп балаларның шат авазына күмелде. Матур чәчәк бәйләмнәрен кулларына тотып, пөхтә итеп киенеп, алар белем йортларының бусагасын атлап керде. Әлеге бәйрәмдә Песәй мәдәният йорты хезмәткәрләре дә катнашты. Балалар тарафыннан әзерләнгән әдәби-музыкаль чыгыш килгән кунакларның күңеленә хуш килде. Мәдәният йорты тормышында актив катнашучыларга рәхмәт сүзләре җиткерелде.
Бүген администрациядә район башлыгы урынбасары Ләйсән Галиева рәислегендә атналык эшлекле дүшәмбе киңәшмәсе узды.
3 сентябрьдә Россиядә террорчылыкка каршы көрәштә теләктәшлек көне билгеләп үтелә. Ул Бесландагы фаҗигале вакыйгалар белән бәйле, ул вакытта сугышчылар шәһәр мәктәпләренең берсен басып алалар һәм бернинди гаепсез кешеләр һәлак булды. Песәй авыл китапханәсе балалар өчен "Бесланны хәтерлибез" дигән хәтер сәгате үткәрде.
Тойгуҗа авыл китапханәсендә, террорчылыкка каршы көрәштә бердәмлек көне уңаеннан, "Террорчылыктан башка киләчәк" дигән мәгълүмати әңгәмә узды.
Тихоново авыл китапханәсендә “Кешелек дөньясы өчен террорчылык куркыныч” дигән мәгълүмат сәгате узды.
2022 елның 5 сентябре 8.00 сәгатьтән 2022 елның 12 сентябре 10.00 сәгатькә кадәр Менделеевск муниципаль районы Башкарма комитеты шәхси ярдәмче хуҗалык алып баручы гражданнардан (алга таба – шәхси ярдәмче хуҗалыклар) ике һәм аннан да күбрәк сыерлары булган шәхси ярдәмче хуҗалыкларга таналар һәм азык алуга киткән чыгымнарны каплауга гаризалар кабул итүне игълан итә.
4 сентябрьдә Татарстан Республикасы территориясендә төнлә һәм иртән урыны белән 1 градуска кадәр салкынайту көтелә.
2 сентябрьдә балалар китапханәсендә 1нче мәктәпнең беренче сыйныф укучылары (укытучы Мөхәммәдиева Т.В.) булдылар. Китапханәче Галиуллина Л. Г. балаларны яңа уку елы белән котлады һәм алар өчен «Сәламәт булырга теләсәң» дигән танып – белү сәгате үткәрде.
Иске Гришкин авыл китапханәсе Иске Гришкин төп гомуми белем бирү мәктәбенең мәктәпкәчә яшьтәге балалар төркеме белән берлектә (тәрбияче Молчанова А.Р.) «Книжка на ладошке» акциясенә кушылды.
Сизелмичә һәм тыныч кына җылы, күңелле җәй үтте. Көз җитте, яңа уку елы башланды, димәк, укучыларны яңа кызыклы дәресләр, күңел ачулар, яңа белемнәр һәм ачышлар китерәчәк бәйрәмнәр көтә. 2 сентябрь көнне Ижевка авыл мәдәният йортында авыл китапханәсе белән берлектә Ижевка урта мәктәбенең башлангыч сыйныф укучылары өчен «Күңелле дәресләр мәктәбе» дип аталган танып-белү-уен программасы үткәрелде.